ಜಾಲ

ಜಾಲ ಕೋಟಿ ಜಾಲ ಹೆಣಿದಿವೆ ಜಗವ
ಕುಣಿಸಿವೆ ಹಣಿಸಿವೆ ಮಣಿಸಿವೆ ಜಗವ.

ಹೆಜ್ಜಾಲ ಕಿರಿಜಾಲ ಮಾರ್ಜಾಲ
ನೂರ್ಜಾಲ ನೂರಾರ್ಜಾಲ
ಹೆಚ್ಚಲು ಕಚ್ಚಲು ಚುಚ್ಚಲು
ಸುತ್ತಲು ಮುತ್ತಲು ಎತ್ತಲೂ.

ತಂತ್ರ ಸ್ವತಂತ್ರ ಪರತಂತ್ರ
ಅಂತರ ನಿರಂತರ ಮಂತ್ರ
ಬಾನು ಭುವಿ ಭಾನು ನಕ್ಷತ್ರ
ಅಲೆಯ ಬಲೆಯಿಂದ ತಾ ಪ್ರತ್ಯಕ್ಷ.

ಮನವನಾವರಿಸಿ ಮಾನವನಾವರಿಸಿ
ಅರಿಯದೆ ಎಲ್ಲೆಲ್ಲೂ ಜಾಲ
ಅವತರಿಸಿ ನೂರಾರು ತೆರೆ ತರಿಸಿ
ಸುರಿಸಿ ಸರಸ ವಿರಸ ಸವಿರಸ.

ಜೀವ ಭಾವಾಭಾವ ನೋವ ನಲಿವ
ಉಲಿವ ಸುಲಿವ ಮನವ ತನುವ
ಕಾಮ ಕರ್ಮ ಧರ್ಮ ಮರ್ಮ
ಎಲ್ಲ ಚರ್ಮದೊಳಗಿನ ಜಾಲ
ಮಿಥ್ಯ ಜಾಲ ಮಿಥ್ಯ ಎಲ್ಲಿ ಸತ್ಯ?