ಓಕುಳಿ

ಕೊಲ್ಲು ಕೊಲ್ಲೆನುತಾ
ಕೊಚ್ಚಿಹಾಕು ನೀನೆನುತ
ರೊಚ್ಚಲಿ ಚಿಮ್ಮಿಸಿ ಚೆಲ್ಲಿದರಯ್ಯೋ
ನೆತ್ತರೋಕುಳಿಯ.

ಮುಸುಲ ನೀನೆನುತಾ
ಅಸಲು ಮನುಜನಲ್ಲೆನುತ
ಕುಲವನಳಿಸಿ ಕುಣಿಯೆಂದೆನುತ
ಚೆಲ್ಲಿದರೋಕುಳಿಯ.

ಮುಂದಕಿನ್ನೆಂದೂ
ಹಿಂದು ನಂದಿಬಿಡಲೆಂದು
ಗುಂಡಿಗೆ ಬಗೆದು ಚೆಲ್ಲಿದರಯ್ಯೋ
ನೆತ್ತರೋಕುಳಿಯ.

ಟೆರೆರೆಂದು ಕಿರುಚಿ
ಖರೆಯ ಎಡೆಬಿಡದೆ ತಿರುಚಿ
ಸದ್ದಾಮದ್ದ ಮೂತಿಯ ತೋರಿ
ಎರಚಿದರೋಕುಳಿಯ.

ಕಾರು ಬಾರೆನುತ
ಬೋರು ಒಲ್ಲೆ ಲೈಫೆನುತ
ಹೋಮಿ-ಸುಯಿಸೈಡೆಂದೆನುತ
ಚೆಲ್ಲಿದರೋಕುಳಿಯ.

ಅಳಿಯದೆ ಉಳಿವವರು
ಜಗದಿ ಯಾರಯ್ಯಾ ಇಹರು
ಜಗದ ಜನಕನ ನಾಮದಿ ನಿತ್ಯ
ನೆತ್ತರೋಕುಳಿಯೊ.